Nov 15, 2013

ഒരു നിമിഷം...


ലോകാരോഗ്യ സംഘടനയുടെ ഒരു വർഷം മുൻപുള്ള രേഖകൾ പ്രകാരം ഇന്ത്യയിൽ ഓരോ വർഷവും  1,70,000 പേർ ആത്മഹത്യമൂലം മരണപ്പെടുന്നുവെന്ന് കണക്കാക്കപ്പെടുന്നു. . . ഇന്ത്യയിലെതു   ലോകത്തിലെ മൊത്തം ആത്മഹത്യാനിരക്കിന്‌ അല്പം മുകളിലാണെന്നത്  ആശങ്കാജനകമായ വസ്തുത ആണ്.  ഇതിൽ കൂടുതലും പുരുഷന്മാർ ആണെന്നത് സ്വതവേ ധൈര്യശാലികളായി മുദ്രകുത്തപ്പെട്ട പുരുഷപ്രജകൾക്ക് അല്പമെങ്കിലും അതിശയകരം ആയേക്കാം. ആത്മഹത്യയിലൂടെ മരിക്കുന്നവരിൽ ഭൂരിഭാഗവും പതിനഞ്ചിനും ഇരുപത്തൊൻപതിനും ഇടയിൽ പ്രായമുള്ളവർ ആണെന്ന് വസ്തുതകൾ വെളിപ്പെടുത്തുമ്പോൾ, നമ്മുടെ യുവാക്കൾക്ക് ജീവിതത്തോടു ഇത്രമാത്രം നൈരാശ്യം തോന്നാൻ കാരണം എന്തെന്ന് അന്വേഷിക്കേണ്ടിയിരിക്കുന്നു.
 
ചിലർ സാമ്പത്തികബാധ്യതകൾക്കു മുന്നിൽ മുട്ട് കുത്തുമ്പോൾ, ചിലർക്ക് കുടുംബബന്ധങ്ങളിലെ ആലോസരങ്ങളും, മറ്റു ചിലർക്ക്പഠനത്തിൽ നേരിടേണ്ടി വന്ന പരാജയവും, തൊഴിൽരംഗത്തെ വെല്ലുവിളികളെ അതിജീവിക്കാനുള്ള മനക്കരുത്തില്ലായ്മയും മാറാരോഗവും,  മാസസിക പ്രശ്നങ്ങളും, പ്രണയ നൈരാശ്യവും കാരങ്ങങ്ങളുടെ നീണ്ട നിരയിൽ  പ്രദർശിപ്പിക്കാനുണ്ടാകും. കാരണങ്ങൾക്കു വേണ്ടി കണ്ടെത്തപ്പെടുന്ന കാരണങ്ങൾ മാത്രമല്ലേ ഇവയിൽ പലതും എന്ന് ഒരു നിമിഷത്തെ പുനർചിന്തയ്ക്ക് അവസരം കൊടുത്തവരിൽ പലർക്കും തോന്നിയിട്ടുണ്ടാകാം.

ആത്മഹത്യ ചെയ്യാൻ ഒരുങ്ങുന്ന , അല്ലെങ്കിൽ അത്മത്യയുടെ  വഴിയിൽക്കൂടി ഒരിക്കലെങ്കിലും സഞ്ചരിച്ചാലോ എന്ന് ആലോചിക്കാൻ സാധ്യതയുള്ള  "സ്വാർത്ഥ"രോട് എനിക്ക് പറയാനുള്ളത് "ഒരു നിമിഷം" ചിന്തിക്കൂ എന്നാണ്;  കഴിഞ്ഞ കാലത്തെ പറ്റിയല്ല, എന്തുകൊണ്ട് ഇങ്ങനെ ചെയ്യുന്നു എന്നല്ല; ഇത് എങ്ങനെ ഒഴിവാക്കാമായിരുന്നു എന്നുമല്ല; ശരി - തെറ്റുകളുടെ വിശകലനവുമല്ല... മറിച്ച്, നിങ്ങൾ മരിച്ചശേഷം എന്തൊക്കെ സംഭവിച്ചേക്കാം എന്നാണ്. ഇനി വിവരിക്കുന്ന കാര്യങ്ങൾ എല്ലാം ഒരു പക്ഷെ ആത്മഹത്യയുടെ വക്കിലെത്തി നില്ക്കുന്ന ഒരാൾക്ക് ആദ്യമായി ചിന്തിച്ചെടുക്കാൻ പറ്റിയില്ലെന്നു വരാം. അതുകൊണ്ട്  ഈ ചിന്തകളെ ഇന്നേ നിങ്ങളുടെ മനസിലേക്ക് കുത്തി വയ്ക്കാൻ ഒരു എളിയ ശ്രമം ഞാൻ നടത്തുകയാണ്; ഭാവിയിൽ ഒരാൾക്കെങ്കിലും ഉപകാരമാകട്ടെ  ഒരു നിമിഷത്തെ ഈ ചിന്തകൾ, എന്ന പ്രാർത്ഥനയോടെ തുടങ്ങട്ടെ...

മാർഗം എന്തുമായിരുന്നിരിക്കട്ടെ നിങ്ങൾ മരിച്ചു കഴിഞ്ഞിരിക്കുന്നു; ക്ഷമിക്കണം... സ്വാഭാവിക മരണം അല്ല, ആത്മഹത്യ ചെയ്തിരിക്കുന്നു. സംഭവ സ്ഥലം സ്വഗൃഹം ആണെന്നിരിക്കട്ടെ; സ്വന്തം മുറി. വിഷം കഴിക്കുകയോ ഞരമ്പ്‌ മുറിക്കുകയോ ആണെങ്കിൽ മുഖഭാവം അല്പം മെച്ചമായിരിക്കും. ഇനി ഫാനിൽ തൂങ്ങിക്കിടക്കുകയാണെങ്കിൽ പോലീസ് എത്തും വരെ നിങ്ങളുടെ തുറിച്ച കണ്ണുകളെക്കാൾ തീക്ഷ്ണമായ നോട്ടങ്ങൾ സഹിക്കേണ്ടി വരും. ഹിന്ദു വിശ്വാസ പ്രകാരം ഗതികിട്ടാ പ്രേതമായി ഇതെല്ലാം കാണാനുള്ള അവസരം നിങ്ങൾക്ക് കിട്ടുന്നതായിരിക്കും. ഏതെങ്കിലും റെയിൽ പാളത്തിലോ പുഴയിലോ ആണ് അന്ത്യമെങ്കിൽ, തെരുവ് നായ്ക്കൾക്ക് കടിച്ചു കീറാൻ നിങ്ങളെറിഞ്ഞു കൊടുത്ത ശരീരം തിരിച്ചറിയാൻ പരിചയക്കാർ പോലും ബുദ്ധിമുട്ടും. സംസ്കരിക്കാൻ ഏതൊക്കെ ശരീരഭാഗങ്ങൾ കിട്ടുമെന്ന് കണ്ടു തന്നെയറിയാം.

നിങ്ങൾക്കറിയാവുന്നതു പോലെ അടുത്ത ഘട്ടം  പോസ്റ്റ്‌മോർട്ടം ആണ്. നെടുകെ കീറി മുറിക്കാൻ കിടന്നു കൊടുത്തെ നിവർത്തിയുള്ളൂ. ഓരോരോ അവയവങ്ങളായി പരിശോധിക്കുമ്പോൾ, ഏതോ ചലന ചിത്രത്തിലെ നായകനോ നായികയൊ ആകാനുള്ള അസുലഭ അവസരമാണ് നിങ്ങളെ കാത്തിരിക്കുന്നതെന്ന് മറക്കരുത്. ഇനി ഭാഗ്യമുണ്ടെങ്കിൽ ജീവിച്ചിരിക്കുമ്പോൾ കിട്ടാതെ പോയ പ്രശസ്തിയും കിട്ടാം; ഞരമ്പു രോഗിയായ ഒരു ആശുപത്രി ജീവനക്കാരന്‍റെ  സഹായത്താൽ മൊബൈൽ ചിത്രമായി പ്രചരിക്കുകയോ, അല്പം റേഞ്ച് കൂടുതലാണെങ്കിൽ ഏതെങ്കിലും ചൂടൻ മാഗസിനുകളുടെ കവർ ചിത്രമാകാനോ പോണ്‍ സൈറ്റുകളുടെ ഹോട്ട് ക്ലിക്ക് ഐറ്റം ആകുകയോ ഒക്കെ ചെയ്യാം. ബന്ധുക്കളുടെയും സുഹൃത്തുക്കളുടെയും നാണക്കേടിന് കാരണമായതിൽ അപ്പോൾ നിങ്ങൾ അഭിമാനം കൊള്ളില്ലേ!!!

എല്ലാ നടപടികളും പൂർത്തിയാക്കി ശവശരീരം വീട്ടിലെത്തിച്ചാൽ പിന്നെ ബന്ധുക്കളുടെയും നാട്ടുകാരുടെയും സുഹൃത്തുകളുടെയും അരങ്ങേറ്റമായി... പലരുടെയും ക്യാമറക്കണ്ണുകൾ നിങ്ങളെ പല ആങ്കിളുകളിൽ  പകർത്തിയെടുക്കുമ്പോൾ നൂറുനൂറു ചോദ്യശരങ്ങൾക്ക് മുന്നിൽ തലകുനിച്ചു ഉത്തരമില്ലാതെ നില്ക്കുന്ന കുടുംബാംഗങ്ങളെ  നിങ്ങൾക്ക് വ്യക്തമായി കാണാം. നിങ്ങൾ ഒരു പുരുഷനാണെങ്കിൽ ആ കുടുംബത്തിനു നഷ്ടപ്പെട്ടത് എന്നെന്നെക്കുമുള്ള ഒരു കൈത്താങ്ങാണ്. നിങ്ങൾ ബധിരനല്ലെങ്കിൽ  കേൾക്കൂ അവർ പറയുന്നത്.. "ഒരു വാക്ക് ഞങ്ങളോട് പറയാമായിരുന്നില്ലേ ? ഞങ്ങൾ എന്ത് വേണമെങ്കിലും ചെയ്യുമായിരുന്നില്ലെ? എന്തിനാ ഇങ്ങനെ ഒരു സാഹസം കാട്ടിയത്?" ... നിങ്ങളുടെ പ്രശ്നങ്ങൾ പരിഹരിക്കാൻ കഴിവുള്ള ഒരാൾ പോലും അവശേഷിക്കുന്നില്ല എന്ന് ഇപ്പോഴും നിങ്ങൾക്ക് തോന്നുന്നു എങ്കിൽ, ഈ വിലപിക്കുന്നവരും നിങ്ങളുടെ പാത പിന്തുടരട്ടെ എന്ന് ഞാൻ ആശംസിക്കുന്നു.

ഇനി നിങ്ങൾ ഒരു പെണ്‍കുട്ടി/ സ്ത്രീ ആണെങ്കിൽ, നിങ്ങളുടെ കുടുംബത്തോട് ഇതിൽ കൂടുതൽ ക്രൂരത വേറെ ആർക്കും ചെയ്യാനാവില്ല എന്ന് ഇനിയുള്ള ചുരുക്കം നിമിഷങ്ങളിൽ നിന്ന് മനസ്സിലാകും. അഭിനന്ദനങ്ങൾ...മൊബൈൽ ക്യാമറകൾക്ക് നിങ്ങൾ കൂടുതൽ ആവശ്യക്കാരിയായി കഴിഞ്ഞിരിക്കുന്നു. ഉടമസ്ഥനേതെന്നു തിരിച്ചറിയാനാകാത്ത ചോദ്യങ്ങളിൽ ചിലത് ഇങ്ങനെ ആയിരിക്കും!!!

"പെണ്ണിന് പ്രേമം (ഏറ്റവും മാന്യമായ ആയ വാക്ക്) വല്ലതുമുണ്ടായിരുന്നോ?

"വല്ല എടാകൂടവും ഒപ്പിച്ചിട്ടാണോ?" - അവിഹിതഗർഭത്തിനു നാട്ടിൽ ഇങ്ങനെയാണ് സംബോധന മിക്കപ്പോഴും...

"ഇനി ഏതെങ്കിലും ബ്ലാക്ക്‌മൈലിംഗിലും പെട്ടോ? ഇന്നത്തെ പിള്ളേരുടെ ചാറ്റിങ്ങും ഡേറ്റിങ്ങും ഇത്തിരി കൂടുതലാണ്... മൊബൈലിലും സൈറ്റിലും ഒക്കെ പടം വരുമ്പോൾ മാത്രമേ നമ്മളറിയുള്ളൂ ഇവൾ ഇത്തരക്കാരി ആയിരുന്നെന്ന്‌..."

പാവം വീട്ടുകാർ, നാട്ടുകാരുടെ ചോദ്യങ്ങൾക്ക് മറുപടി അറിയാമായിരുന്നുവെങ്കിൽ  നിങ്ങളെ ഈ അവസ്ഥയിൽ അവർക്ക് കാണേണ്ടി വരുമായിരുന്നില്ല! ഇനി അവർ തലയിൽ മുണ്ടിട്ട് നടക്കട്ടെ... ഫോണ്‍ സ്വിച്ച് ഓഫ്‌ ചെയ്തു വയ്ക്കട്ടെ... അല്ലാ! ഇനിയും നിങ്ങൾക്ക് ഒരു കൂസലും ഇല്ലെന്നോ! നിങ്ങൾ ചെയ്തത് ശരി തന്നെ എന്ന് ഇപ്പോഴും വിശ്വസിക്കുന്നു!!!

അപ്പോൾ അടുത്ത ഘട്ടത്തിലേക്ക് നീങ്ങാം... അന്വേഷണം തുടങ്ങുകയായി; മൊബൈൽ കാൾസ്, എസ്‌ എം എസ്സെസ്, ഇ മെയിൽസ്‌, ചാറ്റ് ഹിസ്റ്ററി.... പാസ്സ്‌വേർഡ്‌ ക്രാക്ക് ചെയ്യാൻ സൈബർ സെല്ലിന് അധികം പണിപ്പെടേണ്ട ആവശ്യമൊന്നുമില്ല. നിങ്ങൾ ആണായാലും പെണ്ണായാലും ഏതു പാതാളത്തിൽ കുഴി കുത്തി മൂടിയിട്ടിട്ടാണ് ചാവാൻ പോയതെങ്കിലും, എല്ലാം കുഴി മാന്തി എടുക്കും.  ആരോടൊക്കെ സംസാരിച്ചു, എന്തൊക്കെ മെസ്സേജ് ചെയ്തു, എങ്ങനെയൊക്കെയായിരുന്നു മെയിലിംഗും ചാറ്റിങ്ങും... നല്ല ചരിത്രവും ഇനി അല്പം മോശമായ ചരിത്രവും (ഉണ്ടെങ്കിൽ) എല്ലാം വടക്കാൻ പാട്ടിനേക്കാൾ കേൾവി കേൾക്കുമെന്നതിൽ നിങ്ങൾ പോലും മറുപക്ഷം പറയില്ല. കുടുങ്ങേണ്ടവർ കുടുങ്ങുമെന്ന് വിചാരിക്കാം; പക്ഷെ...  ചില നിരപരാധികളും നാണം കെടുമെന്നുറപ്പ്. സ്ഥിരം ഫോണ്‍ ചെയ്യുമായിരുന്ന നല്ല സുഹൃത്ത്‌, വളരെ നാളത്തെ ഇടവേളയ്ക്കു ശേഷം കഷ്ടകാലത്തിന് നിങ്ങൾക്ക് മരിക്കാൻ തോന്നിയ ദിവസം അധികനേരം സംസാരിച്ച നല്ല മനസ്സുള്ള ബന്ധുവോ സുഹൃത്തോ, ഇവരൊക്കെ അനുഭവിക്കേണ്ടി വരുന്നത് ചെറിയ ബുദ്ധിമുട്ടുകൾ ആയിരിക്കില്ല. ഇപ്പോൾ ഒരു പക്ഷേ നിങ്ങൾ കരുതുമായിരിക്കും, "അതിനു ഞാനെന്തു ചെയ്യാനാണ് ; ഞാൻ മരിച്ചു പോയില്ലേ!!!" സ്വന്തം കുടുംബത്തിനു വേണ്ടി ചെലവഴിക്കേണ്ട വിലപ്പെട്ട സമയം ചെയ്യാത്ത തെറ്റിന് ക്രൂശിതരായി നിയമത്തിന്‍റെ കുരുക്കഴിക്കാൻ അവർക്ക് വിനിയോഗിക്കേണ്ടി വരുമ്പോഴും നിങ്ങൾ ആശ്വസിക്കുമോ എല്ലാ പ്രശ്നങ്ങളിൽ നിന്നും രക്ഷപെട്ടു എന്ന്?

ആത്മഹത്യയിൽക്കൂടി നിങ്ങളുടെ ഉദ്ദേശ്യം എന്തായിരുന്നു; ഒരു രക്ഷപെടലിനപ്പുറം നിങ്ങളെ മരണത്തിലേക്ക് നയിച്ചവർ എന്നു നിങ്ങൾ കരുതുന്നവരുടെ കണ്ണുനീരും കഷ്ടപ്പാടും ആയിരുന്നോ! അവർ വേദനിക്കുന്നുവെങ്കിൽ നിങ്ങൾ യഥാർത്ഥത്തിൽ പരാജയപ്പെടുകയല്ലേ! നിങ്ങളുടെ നിഗമനങ്ങളിൽ എവിടെയൊക്കെയോ പാളിച്ചകൾ സംഭവിച്ചെന്നു അംഗീകരിക്കേണ്ടി വരില്ലേ! ഇനി നിങ്ങളാൽ കുറ്റാരോപിതരായ വർഗ്ഗം നിങ്ങളുടെ മരണത്തിൽ സന്തോഷിക്കുന്നെങ്കിൽ, ഈ മരണത്തിനെന്തർത്ഥം; വ്യർത്ഥമായിപ്പോയില്ലേ ഈ എടുത്തു ചാട്ടം? ഇല്ല എന്നാണുത്തരമെങ്കിൽ ഇനി കാര്യങ്ങളെ അല്പം വൈകാരികമായി സമീപിക്കാം.

സന്ദർശകരുടെ തിരക്കുകളൊഴിഞ്ഞ നിങ്ങളുടെ വീട് ഒന്ന് സങ്കല്പിക്കാം. ഊണ് മേശയിൽ നിരത്തി വച്ചിരിക്കുന്ന പ്രിയപ്പെട്ട ആഹാരം നിങ്ങളെ നോക്കി പല്ലിളിക്കും. അഹങ്കാരത്തിന്‍റെ ഫലം, അല്ലാതെന്തു പറയാൻ ഇനി ഇതൊക്കെ കണ്ടു വെള്ളമിറക്കാൻ മാത്രമേ ഗതികിട്ടാ പ്രേതമായ നിങ്ങൾക്ക് വിധിയുള്ളു.. ഊണ് മേശയ്ക്കു ചുറ്റിലും എല്ലാവരും കൂടുമ്പോൾ 'ഒരാളുടെ കുറവ്' നിങ്ങൾക്ക് കാണാൻ കഴിയുന്നുവെങ്കിൽ, അത് അനുഭവിക്കുന്നവരാണ് അവിടെയിരിക്കുന്നവർ. നിങ്ങളുടെ ഇഷ്ടങ്ങളും ഇഷ്ടക്കേടുകളും നിമിത്തമായി അവരുടെ മുന്നിലെത്തുമ്പോളൊക്കെ , കണ്ണുനീരിന്‍റെ ഉപ്പുരസം രുചിക്കാതെ ആ ദിനം കടന്നു പോകില്ല എന്നുറപ്പല്ലേ?

നിങ്ങളുടെ കാരണങ്ങൾ നിസ്സാരമായിരുന്നു എന്നു തോന്നിപ്പിക്കുന്ന നിമിഷങ്ങൾക്ക് സാക്ഷിയാകേണ്ടി വരുമ്പോൾ, ആഗ്രഹിച്ചാൽ പോലും ഒന്ന് ആശ്വസിപ്പിക്കാനോ പ്രതികരിക്കാനോ ആകാതെ നിസ്സഹായമായി നോക്കി നില്ക്കേണ്ടി വരുമ്പോൾ എങ്കിലും നിങ്ങൾ തിരിച്ചറിയുമോ, നിങ്ങൾ ജീവിച്ചിരുന്നെങ്കിൽ സ്ഥിതി മറ്റൊന്നായേനെ എന്ന്???

വൈകിയിട്ടില്ല.... ഒരു നിമിഷം ചിന്തിക്കൂ...

Oct 16, 2013

From “asl...pls” till “wtf” and “fuck off”…




From “asl...pls” till “wtf” and “fuck off”, the metrosexual youth has gone a long way. I met a lady who lives in most modern yuga, but still surprised about its life style. Here I am going for an analysis of some words which she has seen and listened to through years of her life. Taking an anticipatory bail that it may differ in opinion with you, I narrate her in indirect speech … 
Years back, on a vacation,  when she logged in to the chat room of yahoo messenger for the first time to drive away the boredom which was killing her in all the possibilities, she first saw those two words “asl…pls…”. At that time, she didn’t know what they meant, not even “pls” means “please”. A girl of a small village who didn’t visit the cities even once in a year, least bothered about what is happening around. An engineering student now- a-days unaware of nil about what drives the world, due the technology on the lap. She was of the same genre but a little knowhow about the western monopolies banging our society and the young minds. The logical person in her wanted to know what those words are, and you know what she did!!! To the next pop up window she typed “asl…pls…” The reply was somewhat like this “25m kerala”. Still the confused girl took a long time to realize “a” for “age”, “s” for “sex” and “l” for “location” and later on the “pls” means “please”.
When she watched a recently released movie, the friends whom she had taken along might have cursed for the monotonous theme of the ‘same old love story’. Apart from the old wine in the new bottle, handsome hero and gorgeous heroine, they didn’t happen to feel the underlined theme. May be it is because they haven’t gone through similar periods in life, as she had.
She did live a childhood and teenage where she hardly tasted what the real person she is. The weekdays from home to school in auto, she hardly saw the outside world. On the evenings, when the auto uncle came late to pick up, they -she with her brother- used to walk towards the autorikshaw stand. The intention behind doing so was an interesting word which influenced her, “TV” as they didn’t own a TV at home. There was an electronics shop near the auto stand- the only one which is still there in the town- where they watched TV standing outside the door steps even in the rainy days. During one such day, she watched the movie “lalsalam” and the hero in the character “Nettooran” became her favorite; the passion for movies born right there and still going on….
She didn’t ever witnessed any school day or college day, those days where the gifted extra days for studies as per her parents. Slowly she used to be like what they wanted her to be. Not a “bookworm” but studious in their eyes. She still remembers, on school days, during exams she used to take books even to the toilet, while bathing. The wet pages of the book looked at her pathetically, when she uttered “I am not a bookworm!” And it continued till the 3rd semester of her B.Tech. Afterwards, everything had become show offs. Till the last night before the exams she hardly studied one or two pages of each text and that night remained sleepless one, not for study but to switch on and off light and see whether the clock has ticked morning. When everyone looked at her as an intelligent, hardworking and studious girl, in short “bujee”, she never was after schools. The laziest person she ever came across in her life is herself.
Being brought up in a family where money has been spent extravagantly for food and travel, she dressed up with the low cost tops and shirts, with no accessories matching or mismatching; obviously she loved school uniforms. Because “uniforms” were the royal wears which helped to hide the scarcity of dressing up like fellow beings. Once in a week with colour dress, she managed till Onam or X’Mas or Birthday or on the school openings came and got a new dress. She never went on a pleasure trip which we call “excursion” in school or in college as a student. She never got a chance to understand the reason behind it also. She had never gone for a “movie” till she passed out as an engineer!!! So the word “theatre” was a known, but unseen word. She wished to learn dance, and her mother has arranged a teacher for that too, who agreed to come home and teach her. But the ugly face of social look up on dance like that she is going to become a Devadasi, had engulfed her joint family also and the ashes of the burnt wings still she bear on the back. You all know what a “bulls eye” is when you order it in a hotel. She never knew till she joined college and had the same from a friend. Many such words…
Now almost all school going boy/girl know what the word “prostitute” means, from movies or from the family soap serials. Her ears had got tired of different synonyms of the same without even knowing what it means for years from when she started understanding language, in the age of 3 or 4. She can’t recollect when she understood the meaning of that word and after knowing it, for around ten years, her ears were being filled with it like burning coal. The mental status of a girl who had gone through such situations, if became strong is magical. Now-a-days, the above said word seems lost its meaning, because of the so called life style of today’s generation. Not all, but not few too, is in a go to utilize the urge for physical/sexual needs provided it will remain behind the screen.
The next word “liquor”, no explanations required for anyone as it is a friend for many. Once it was there to colour celebrations or victories or to burry tragedies or losses. In the present day, Saturday night fever is inevitable for most and can see even some family get together making the weekend boosters diminished in charm. And one more inevitable ritual of all marriages, whether the wedding may happen or not tomorrow, we want “bachelor party” and a scene for many new words which still the dictionaries finding difficult to translate to any language. To those who use liquor as appetizer to those who consume as a habit or status symbol to socialize, she has these words: “I have seen the worst face of this social evil for around 16 years ruining relationships and destructing the financial stature”. Whether you had money for a new dress to your son/daughter, every evening you are handful for whisky or brandy. You might have seen only in films or serials men coming drunk to home with a paper wrapped packet of vada or gillebi for children. Have you ever even imagined whether it happens in real? It happened and happens in many houses still with a difference of chocolates or cakes replacing vada and gillebi. She sees many “FB” updates of celebrations projecting the size and number of bottles. Now a part of a peaceful family with parents and brother, the instant she saw her father taking liquor, the mad person in her starts pulling her hairs and striking her head against anything. Childhood incidents and memories never leave behind any symptom of losing individuality. And the imbalance in mind started someway there onwards…
Now coming to “FB”, frankly telling, took some time for her to understand it is “Facebook” and not any new polished era word. Facebook, a place where almost all- including her- vomits the gains and losses, “shits” the undigested/digested things daily. There are occasions where you call or message a friend and receive a no response while you can see that person hanging around for long time in FB with an active green symbol. Same time, put a “smiley” like this “:*” or “:(” in the chat box, within no time you will get a reply. She could witness through years that major bunches of lives are interested in “spicy” talks or others’ worries, to exploit the latter for the former. Give some freedom in friendship, you can expect the next query “which dress are you in?”, “is cold/hot there?”, “had bath?”, etc etc… Some are very intelligent to start with flatter, “you are looking awesome in that pic”, “your lips are so sweet”, “what a structure”, etc etc… Of course a lady wish to hear that she is looking beautiful, but certainly not “sexy”. She has less number of friends, who ask her to change the picture which projects the curves, lucky to have those. She has the following opinion on the referred word ‘smiley’, in short. In conversations, smses has given way to smileys-often to hide the real emotions. Only few can understand your tears behind a “:)” and are rare to find. At the same time as saving hand on relations, the smileys help to hide anger/irritation by simply sending a “:)” than calling the names.
shit”, actor Suresh Gopi, sponsored word for malayalees(now-a-days called “mallus”, the ugliest word to refer a keralite in her opinion) being used here and there without any need, of variants “bull shit”, “shit yaar” etc etc… She don’t know the significance of a bull’s shit in anyone’s life, whereas she is well aware that cow’s shit is being used as a symbolically purifying material in rituals.
The introvert in her hated the feeling of “love”. She never allowed her eyes to struck on a handsome face and physique as the “inferior she” label had been stamped in her heart somewhere in the journey, being a girl of no talents and a non attractive look. Or was it the disturbed relationship of her parents those days, which never encouraged her to think about a relationship!!! It has been caught hold on her brain that every married life is like that and a man can be the best father but not a good husband. Meanwhile let me mention one word word in her collection, “divorce”, and she is cent percent sure that the reader may hardly understand the mental status of a girl of 7years old when asked “do you wish to go with father or mother?”. Finally, when the inevitable emotion of love visited her life, the related words of modern life, which the older generation might have never heard about, like “break ups”, “dump”, “crush” lined up in the row faster than its creator. 
How the God’s blessing turns into man’s curse, you will understand by the latest fashion cliché words “wtf” and “fuck off”.  When she first saw the word ‘wtf’, she needed to ask the meaning of the abbreviation to the sender. Truly tell you; even after knowing the expansion, she still doesn’t understand what it really implies. And the most arrogant expression of anger used in earlier days to the best of her knowledge was “get lost” or “mind your own business” which is completely replaced by ‘fuck off’ currently. The interesting thing is; when she heard the word for the first time, she ran for a dictionary. Funny the result was, even the greatest known dictionaries of the world couldn’t help her. Then she became a normal lady of this era and googled. Amazingly, each meaning preceded with the word “vulgar”. Now we need to define the extent of vulgarity as the frequency of usage increased quite a lot. None will disagree with her on this: Except the fact that they are used for purpose of insulting someone, the fucking words really doesn’t carry any meaning
To conclude my attempt to portray the insecure feelings created in her life by some words, a final quote: Those who start with “asl…pls” when end up shouting “wtf” and “fuck off”, I wonder, "have you ever got a thought before using them!!!"

Aug 1, 2013

മൗനസ്വരങ്ങൾ


 
 
 
 
 
 
 
 
 
 
 
 

കണികണ്ടു ഞാനിന്നൊരു മാൻപേടയെ
കണ്ണിൽ നിറഞ്ഞ ഭീതിതൻ ഛായയിൽ...
ഓടിക്കളിച്ചു നടക്കേണ്ട കാട്ടുവഴികളിൽ
പേടിച്ചരണ്ടു മുൾപടർപ്പിലൊളിച്ചവൾ...
ഇറ്റുവീഴുന്ന ചോരത്തുള്ളികൾതൻ ഗന്ധം
ഒറ്റുകാർക്കെത്തിച്ചു ഒരു ക്ഷണപത്രം...
പുറപ്പെട്ടു പടയായ്‌ പലദിക്കിൽ നിന്നവർ
സ്വാദാർന്ന മാംസത്തിൻ മനോരഥത്തിലേറി...
കണ്ടില്ല കാതര പിന്നിലടുക്കുന്ന വേട്ടക്കാരെ
മുന്നിലെ വിജനതയേകിയ ധൈര്യത്തിൽ
ഒന്നവൾ തലപൊക്കി മുന്നോട്ട് കുതിക്കാൻ
ഒരുങ്ങി രക്തദാഹികളും കടിച്ചു കീറാൻ...
പിന്നുള്ള കഥ മനുജാ നിൻ മനസ്സ്...

Jun 20, 2013

RAM-A-YAN : Untitled


As you proceed: No intention to hurt any emotions or beliefs, only imagination...
Scene 1
Balcony of the 5th floor of a ten storey building. Around 3:00pm. Two ladies on the scene, Janki and Urmi.
Janki(looking out) : Hey Urmi, see those guys. Are they saadhus?
Urmi(with a smile):Oh! Janki… They are contestants of an upcoming fashion contest. You were in underground, I accept. Before coming back, at least you would have googled about the present Bharath.
Janki: Yeah. I was busy with my philosophy thesis submission and hi-byes. I thought of doing so, but forgot in hurry. You tell me, what happened in these Years?
Urmi: Sure .. Do you remember? To marry you through ‘swayamvar’, Ram had to break the bow.
Janki: Yes.I do remember.
A flash of Swayamvar.  Urmi’s voice awakes Janki from her thoughts
Urmi: Now-a-days, to propose a girl, log kya kya nahin karte! Marriage has lost its value. Living relationships… hangouts…dating…break-ups… new relations. So fast and so simple.
Janki: Urmi, Paathaal intelligence informed that Ravan got sanction order for his rebirth from Brahma. Do you know anything about it?
Urmi: Last week I saw some facebook updates on it. Give me a minute, Be Right Back.
Urmi disappears. Janki looks out of the balcony. 

Janki (to herself): Where will be Ram? Yama Maharaj may know about it.
Thinks for a while… Dials “ - - - - - - - - -“ … Ringing sound.
“Welcome to Yama Network. To know about your balance and expiry date, press 1; to know about special offers, press 2, to know about converting to post life connection, press 3; to know about value added services like daily life countdown alert, dialer tone and yamanet, press 5; and to talk to Chitragupta press 9.”
Janki presses 9. “Please stay on line. Chitragupta is attending another call, he will talk to you in a while” Some background music….
Janki (getting irritated. to herself): what a music!!!
Chitragupta: Good evening. This is Chitragupta for your help. What can I do for you?
Janki: I want to know about the status of a post-life connection. The customer name is “Ram”
Chitragupta: Sure ma’am, I can help you. Can you give his pre-life number of reference and details for confirmation?
Janki: Pre-Life number “- - - - - - - - - -“. Address : Ayodhya, near sarayu river, faizabad, uttarpradesh. Status: committed suicide jumping into river.
Chitragupta: Please hold on the line ma’am, let me check the details.
Again the same dull background music
Chitragupta: Thank you for being on the line. I have checked the status of the post-life connection. Now he is in the Hell, last two days of his post-life. After that the connection will be renewed on a pre-life basis. The new sim will be registered in Keral. Any more information Ma’am?
Janki(surprised): Yeah. Why he is in the Hell?
Chitragupta: Let me check Ma’am.
Again a Pause and the same BGM
Chitragupta: Thank you again. He is been in the Hell for the last 3 days. The reason is not accessible for me Ma’am. You may contact our head office. Anything else Ma’am?
Janki: No. Thank You.
Chitragupta: Thank you Ma’am. Have a nice evening. 

Janki takes her laptop and hits on the google “Why Ran in Hell?”
Only two results, one from www.yama.net and the other from www.urmi.blogspot.ay

Janki clicks on the 1st result, and the link to yama.net opens
She reads the article….
“The accusations on Ram to be sentenced to Hell are:
1.    He broke Shiva Dhanus and didn’t bother to repair it.
2.    He took “4 –on – a shot” stand where he didn’t enquire the willfulness of the other 3 ladies for their marriage.
3.    He went against his father’s wish in going for Vanvas.
4.    By allowing Laksh to accompany him, he denied Urmi a married life in the budding stage itself.
5.    Ram to save his side, advised Shoorpanakha to approach Laksh like an opportunist/selfish person. So he is the culprit of both Laksh and Urmi again.
6.    He supported attack on woman-Shoorpanakha.
7.    Though he was able, he never tried to convince Janki that the deer is a Rakshas and hence becomes reason for her kidnap.
8.    When Maricha yelled “Hey Brother Laksh, help me” in Ram’s  voice, Ram unheard the consequences. Ha could have shouted loudly “Laksh, it is Maricha who is imitating my voice”.
9.    He cheated Bali and killed him; and conquered bali’s kingdom for Sugrev.
10. Of no other choice, Bali’s wife, Tara had to be Sugrev’s queen in Ram’s presence.
11. On mob’s gossips, Ram doubted Janki and ordered “Agnisudhi” without supporting his wife’s loyalty.
12. Instead of rejecting the false views by a citizen and understanding the conspiracy and harassment of kaikeyi on Janki, Ram silently supported Janki’s exile.
13. Over his assumption on Janki as a non-trustworthy wife, he conducts yagna with kanjan Sita, leaving his righteousness image far behind.
14.  He battled against children.
15.  He committed suicide to escape from his guilt.
                So he is there”
Janki (exhales and to herself): OMG!!! Let me see what Urmi has to say.

Opens urmi.blogspot.ay subtitled “saga of an ignored Woman”. She sees the post with title “Why Ram deserves Hell”. That was similar as yama.net
1.    He took “4 –on – a shot” stand where he didn’t enquire the willfulness of the other 3 ladies for their marriage.
2.    By allowing Laksh to accompany him, he denied Urmi a married life in the budding stage itself.
3.    Ram to save his side, advised Shoorpanakha to approach Laksh like an opportunist/selfish person. So he is the culprit of both Laksh and Urmi again.
4.    He supported attack on woman-Shoorpanakha.
5.    Because of Ram’s actions, Laksh was suspected of his honesty and accuses as opportunist by Janki.
6.    On mob’s gossips, Ram doubted Janki and ordered “Agnisudhi” without supporting his life’s loyalty.
Urmi enters the scene with her laptop. Sees Janki reading het post.
Urmi: Sorry Janki, fact is fact, may you be blind.
Janki smiles. Urmi opens her laptop and shows her some files.
Urmi: I have been researching on Ravan’s rebirth for long time and got some idea about where he will be taken rebirth. It will be in Keral- God’s on country.
Janki: Is it true!!! You may be kidding!!!
Urmi: No Dear, I have supporting documents. And this time Ravan is taking birth to do his part of vengeance. Putting myself into his shoes, I don’t feel Ravan has done any injustice to Ram. And Ravan always kept his gallantry, I think. May be you can tell more about it, Janki?
Urmi’s ears impatiently extended to  the protagonist’s words…..
To be continued….

Jun 10, 2013

കളിപ്പാവ

ഉത്തരേന്ത്യയിലെ തണുത്തുറഞ്ഞ സായാഹ്നങ്ങളിലൊന്നിൽ അദിതിയും ആകാശും എസ്റ്റെറ്റിലേക്ക് തിരികെയെത്തുമ്പോൾ മഞ്ഞു വീണു തുടങ്ങിയിരുന്നു. പഞ്ഞിക്കെട്ടുകൾ പോലെ പെയ്തുകൊണ്ടിരുന്ന മഞ്ഞിന്‍റെ നേരത്ത ആവരണത്തിനെ  കീറിമുറിച്ചു കൊണ്ട് കാറിന്‍റെ മഞ്ഞ വെളിച്ചം കൊട്ടേജിന്‍റെ മുന്നിലെത്തിയപ്പോൾ പതിവിനെക്കാളേറെ വൈകിയത് കൊണ്ടാകാം രാഹുൽ ഉമ്മറത്തുണ്ടായിരുന്നില്ല.

കോളിംഗ് ബെൽ മുഴങ്ങിയ ഉടൻ തന്നെ വേലക്കാരി വന്നു വാതിൽ തുറന്നു. "മെംസാബ്, രാഹുൽ ആഹാരം ഒന്നും കഴിച്ചിട്ടില്ല, പിണക്കത്തിലാണെന്നു തോന്നുന്നു".

"ശരി നീ ആഹാരം എടുത്തു വയ്ക്ക്, ഞങ്ങൾ രാഹുലിനെയും കൂട്ടി ഇപ്പോൾ വരാം" എന്ന് പറഞ്ഞു അദിതി രാഹുലിന്‍റെ മുറിയിലേക്ക് പോയി. കൈയിലുണ്ടായിരുന്ന പായ്ക്കറ്റ് തുറന്ന് ഒരു പിറന്നാൾ കേക്ക് മേശപ്പുറത്തു വച്ചിട്ട് ആകാശ് പിന്തിരിയുമ്പൊഴെക്കും പരിഭ്രമിച്ച മുഖവുമായി അദിതി തിരികെ എത്തി. "ആകാശ്, രാഹുൽ മുറിയിലില്ല"
"പിണങ്ങിയാൽ അവൻ എവിടെയാണ് ഉണ്ടാകാറുള്ളത് എന്നത് മറന്നു പോയോ! നീ വാ" ആകാശിന് ഉറപ്പായിരുന്നു രാഹുൽ അവിടെത്തന്നെ ഉണ്ടാകുമെന്ന്.

അല്പം വിശാലമായ ഒരു മുറിയിലേക്കാണ് അവർ പോയത്. പുസ്തകങ്ങൾ നിറഞ്ഞ അലമാരകളും പലതരം ചിത്രങ്ങളും തടികൊണ്ട് തീർത്ത മനോഹരമായ ഇരിപ്പിടങ്ങളുമുള്ള ഒരു മുറി. ചുവരോട് ചേർന്ന് ഒരു നെരിപ്പോട് എരിയുന്നുണ്ടായിരുന്നു. പുറത്തെ തണുപ്പിന്‍റെ കാഠിന്യം കടന്നു ചെല്ലാൻ മടിക്കുന്ന വിധം ഊഷ്മളമായിരുന്നു അവിടം. ചെറുകാറ്റിൽ അഗ്നിച്ചിറകുള്ള പൂമ്പാറ്റളെപ്പോലെ എരിഞ്ഞു ചാരമാകാറായ വിറകിന്‍റെ ശകലങ്ങൾ നേരിപ്പോടിനുള്ളിൽ പാറി നടക്കുന്നുണ്ടായിരുന്നു. അതിനടുത്തായി തറയിലെ വിരിപ്പിൽ ഒരു കുഞ്ഞു തലയണയും കെട്ടിപ്പിടിച്ച് ഉറങ്ങുകയാണ് രാഹുൽ. ചുറ്റിലും ക്രയോണ്‍സും കടലാസുകളും ചിതറിക്കിടപ്പുണ്ട്.

ആകാശ് അടുത്തുചെന്ന് അവനെ വാരിയെടുത്തു. രാഹുൽ മുഖത്തേയ്ക്ക് നോക്കാതെ തലതിരിച്ചു പിണക്കം നടിച്ചു. "അമ്മയുടെ സൂപ്പർമാൻ പിണക്കത്തിലാണോ! അപ്പോൾ ബർത്ത്ഡേ കേക്ക് ആര് മുറിക്കും... ഗിഫ്റ്റ് ആര് വാങ്ങും!" ഒരു കുസൃതിച്ചിരിയോടെ അദിതി പറഞ്ഞപ്പോഴേക്കും രാഹുൽ കുഞ്ഞിപ്പല്ലുകൾ കാട്ടി ചിരിക്കാൻ തുടങ്ങി. ആകാശ് രാഹുലിന്‍റെ മൂക്കിൽ മൂക്ക് ഉരസിയപ്പോൾ, അദിതി രാഹുലിന്‍റെ കവിളിൽ ഉമ്മകൾ കൊണ്ട് പൊതിഞ്ഞു.

എല്ലാവരും ഡൈനിംഗ് ടേബിളിനരികിലെത്തി. കേക്കും നാലിന്‍റെ രൂപത്തിലുള്ള കത്തിച്ച മെഴുകുതിരിയും രാഹുലിനെ കാത്തിരിക്കുന്നുണ്ടായിരുന്നു. മെഴുകുതിരി ഊതിക്കെടുത്തി അച്ഛന്‍റെയും അമ്മയുടെയും കൈചേർത്ത്‌ അവൻ കേക്ക് മുറിച്ചു.
"ഹാപ്പി ബർത്ത്ഡേ ടു യു .... ഹാപ്പി ബർത്ത്ഡേ ടു യു ... ഹാപ്പി ബർത്ത്ഡേ ഡിയർ രാഹുൽ....ഹാപ്പി ബർത്ത്ഡേ ടു യു"
രണ്ടുപേർക്കും കേക്ക് കൊടുത്ത്, അവർ കൊടുത്ത കേക്കിന്‍റെ കഷണം വായിൽ വച്ച ഉടൻ തന്നെ അവന്‍റെ കണ്ണുകൾ  പിറന്നാൾ സമ്മാനം തിരയാൻ തുടങ്ങി. അവന്‍റെ കണ്ണുകളിലെ ആകാംക്ഷ നിറഞ്ഞു തുളുമ്പും മുൻപ് അദിതി സമ്മാനവുമായെത്തി. ചുവന്ന വർണ്ണക്കടലാസു പൊതി തുറന്നപ്പോൾ അവൻ സന്തോഷം കൊണ്ട് തുള്ളിച്ചാടി. പ്ലാസ്റ്റിക്കിൽ ഉണ്ടാക്കിയ ഒരു പാവക്കുട്ടി. ബ്രൌണ്‍ മുടിയും നീലക്കണ്ണുകളും  ചുവന്ന ഉടുപ്പുമൊക്കെ മനോഹരമായി പെയ്ന്‍റ്ചെയ്തിരിക്കുന്ന പാവക്കുട്ടിയെ അവൻ നെഞ്ചോട്‌ ചേർത്ത് ചിരിച്ചു.
"ഇനി അച്ഛനും അമ്മയും ഓഫീസിൽ പോകുമ്പോൾ മോന് കൂട്ടായി ഈ സുന്ദരിപ്പാവ ഉണ്ടാകുമല്ലോ! നമുക്കിവൾക്കൊരു പേരിടണ്ടേ... മോനെന്തു പറയുന്നു?" അദിതിയുടെ ചോദ്യത്തിന് ക്ഷണത്തിൽ രാഹുലിന്‍റെ മറുപടി വന്നു "പിങ്കി". അപ്പോഴാണ്‌ അവൻ ഓർത്തത് അച്ഛന്‍റെ സമ്മാനം കിട്ടിയില്ലല്ലോ എന്ന്. "എന്‍റെ സമ്മാനം എവിടെ?" ഒരു കൈയിൽ പാവക്കുട്ടിയുമായി അവൻ മറ്റേ കൈ കൊണ്ട് ആകാശിന്‍റെ കുർത്തയിൽ പിടിച്ചു വലിക്കാൻ തുടങ്ങി.  "എന്‍റെ പോന്നുമോനുള്ള സമ്മാനം അച്ഛൻ മറക്കുമോ! ഒരുഗ്രൻ ഗിഫ്റ്റ് ഓർഡർ ചെയ്തിട്ടുണ്ട്... അടുത്ത ആഴ്ച്ച അതിങ്ങെത്തും..." ഒരു നിരാശ കലർന്ന നോട്ടം സമ്മാനിച്ച് രാഹുൽ പാവക്കുട്ടിയുമായി കിന്നാരം പറയാൻ തുടങ്ങി.
പിന്നീടുള്ള ദിവസങ്ങൾ അച്ഛന്‍റെ സമ്മാനത്തിനായുള്ള കാത്തിരിപ്പ്; കൂട്ടിനു പിങ്കിയും... ഒറ്റ ദിവസം കൊണ്ട് തന്നെ രാഹുൽ ആ പാവക്കുട്ടിയുമായി അത്രമാത്രം അടുത്തു കഴിഞ്ഞിരുന്നു. ഊണും ഉറക്കവും കളിയുമൊക്കെ പിങ്കിയ്ക്കൊപ്പമായി. അതൊരു സാധാരണ പാവയായിരുന്നില്ല, പ്ലാസ്റ്റിക്ക് ശരീരത്തിനുള്ളിൽ ചുവന്ന തുടിക്കുന്ന ഒരു ഹൃദയമുണ്ടായിരുന്നു അതിന്. കാതോടു ചേർത്താൽ ആ ഹൃദയം സ്പന്ദിക്കുന്നത് കേൾക്കാമായിരുന്നു. അവൾക്ക് വേണ്ടി എല്ലാവരും ചേർന്ന് ഒരു കളിവീടുമുണ്ടാക്കി.
രണ്ടു ദിവസം കഴിഞ്ഞപ്പോൾ രാഹുൽ സ്കൂളിൽ പോകാൻ തുടങ്ങി. പകൽ മുഴുവൻ അവന്‍റെ മുറിയിലെ പഞ്ഞിയും തൂവലുകളും കൊണ്ട് അലങ്കരിച്ച കുഞ്ഞു കളിവീട്ടിൽ പിങ്കി ഒറ്റയ്ക്കായി. എന്നും അവൻ പോകുമ്പോൾ അവളുടെ മുഖം വാടും, വൈകുന്നേരം ഒരു നൂറ് വിശേഷങ്ങളുമായി രാഹുൽ മടങ്ങിയെത്തുമ്പോൾ ആ നീലക്കണ്ണുകളിൽ  തിളക്കം നിറയും. വന്നു കഴിഞ്ഞാൽ ആഹാരം പോലും കഴിക്കാൻ കൂട്ടാക്കാതെ അവൻ പിങ്കിയുടെ അടുത്തേയ്ക്ക് ഓടിയെത്തും. പിന്നെ സംസാരമായി. സ്കൂളിൽ അന്ന് പഠിപ്പിച്ച പാട്ടുകളും കഥകളുമൊക്കെ അവളോട്‌ പറയും. അവൾ അതുകേട്ട്  കണ്ണുചിമ്മും. ഭക്ഷണമൊക്കെ കഴിഞ്ഞു അവളെയും നെഞ്ചോട്‌ ചേർത്ത് അവൻ ഉറങ്ങും.
ശീതക്കാറ്റിൽ പറന്നെന്നപോലെ ദിവസങ്ങൾ കടന്നു പോയി. അന്ന് ഓഫീസിൽ നിന്ന് വരുമ്പോൾ ആകാശിന്‍റെ കൈയിൽ രാഹുലിനുള്ള പിറന്നാൾ സമ്മാനം ഉണ്ടായിരുന്നു; ഒരു വീഡിയോ ഗെയിം. രാഹുലിന് അതൊരു പുതിയ അനുഭവമായിരുന്നു. വൈകുന്നേരം മുഴുവൻ അച്ഛനും മകനും വീഡിയോ ഗയിമിന്‍റെ മുന്നിലായിരുന്നു. രാഹുലിന് ഏറ്റവും കൂടുതൽ ഇഷ്ടപ്പെട്ടത് കാർ  റെയ്സും രാജകുമാരിയെ രക്ഷിക്കാൻ ശ്രമിക്കുന്ന രാജകുമാരന്‍റെ ഗെയിമും ആയിരുന്നു. ആഹാരം കഴിഞ്ഞ് ആകാശ് ഉറങ്ങാൻ പോയപ്പോൾ, കോട്ടയിൽ തടവിലായ രാജകുമാരിയുടെ ചിത്രം സ്ക്രീനിൽ നിശ്ചലമായി. അപ്പോഴാണ്‌ രാഹുൽ പിങ്കിയെക്കുറിച്ച് ഓർത്തത്. കളിവീടിനുള്ളിൽ നിന്നും അവളെ പുറത്തെടുക്കുമ്പോൾ അവളുടെ മുഖത്ത് പതിവ് തെളിച്ചമില്ല; "എന്നെ മറന്നു അല്ലെ?" എന്ന് ചോദിക്കും പോലെ. കട്ടിലിൽ വന്നിരുന്ന് സ്ക്രീനിലെ രാജകുമാരിയെയും പിങ്കിയെയും അവൻ മാറിമാറി നോക്കി. "എന്ത് രസമാണ് രാജകുമാരിയുടെ കണ്ണുകൾ കാണാൻ! കണ്ണ് ചിമ്മുന്നത് കണ്ടാൽ ജീവനുള്ളത് പോലെ!" ഗെയിം ഓഫ്‌ ചെയ്തു രാഹുൽ ഉറങ്ങാൻ കിടന്നു.
രാഹുലിന്‍റെ നെഞ്ചിടിപ്പ് പിങ്കിയുടെ കാതിൽ മുഴങ്ങുമ്പോൾ അവളുടെ ഹൃദയത്തിൽ ഒരു ചോദ്യമുയരുകയായിരുന്നു "ദൈവമേ നീ എനിക്കെന്താ ആ രാജകുമാരിയുടെ പോലുള്ള കണ്ണുകൾ  തരാത്തത്? അങ്ങനെയായിരുന്നെങ്കിൽ രാഹുലിന് എന്നെ കൂടുതൽ ഇഷ്ടമായേനെ!". പിറ്റേന്ന് സ്കൂളിൽ പോകും മുൻപ് പിങ്കിയെ കളിവീട്ടിൽ കിടത്തുമ്പോൾ അവൾക്കെന്തോ മാറ്റമുണ്ടെന്ന് തോന്നിയെങ്കിലും അവളുടെ ചിമ്മുന്ന വെള്ളാരംകല്ല്‌ പോലുള്ള കണ്ണുകളിൽ അവന്‍റെ ശ്രദ്ധ പതിഞ്ഞില്ല. പിങ്കിയുടെ കുഞ്ഞിക്കണ്ണുകൾ ഒരു പാട് പ്രതീക്ഷയോടെ കാത്തിരുന്നു; വൈകുന്നേരം ആകാൻ, രാഹുൽ തന്നെക്കണ്ട് അത്ഭുതപ്പെടുന്നത് കാണാൻ...

അന്ന് വൈകുന്നേരം രഹുലിനൊപ്പം രണ്ടു കൂട്ടുകാരും എത്തി കാർ റെയ്സ് കളിക്കാൻ. അവരൊക്കെ പോയി തിരക്കൊഴിഞ്ഞപ്പോൾ രാഹുൽ രാജകുമാരിയുടെയും രാജകുമാരന്‍റെയും ഗെയിം കളിക്കാൻ തുടങ്ങി. രാത്രി വൈകിയിട്ടും മുറിയില വെളിച്ചം കണ്ടിട്ടാണ് അദിതി എത്തിയത് "രാഹുൽ ഒത്തിരി വൈകി, നല്ലകുട്ടിയായിട്ട് പോയി ഉറങ്ങിക്കെ.. ഇനി നാളെ കളിക്കാം" . അമ്മ ഗെയിം ഓഫ്‌ ചെയ്തപ്പോൾ മനസ്സില്ലാമനസ്സോടെ കിടക്കയിലേക്ക്  പോയ അവൻ പെട്ടെന്നാണ് പിങ്കിയെക്കുറിച്ച് ഓർത്തത്. അവളെയും എടുത്തു കട്ടിലിൽ കിടത്തി. അവളെ നോക്കിക്കിടക്കുമ്പോൾ അവന്‍റെ മനസ്സ് പറഞ്ഞു..."പിങ്കിയെപ്പൊലെയല്ല രാജകുമാരി. രാജകുമാരിക്ക് വെളുത്ത മിന്നുന്ന ശരീരമാണ്...തുടുത്ത കവിളും ചുവന്ന ചുണ്ടുകളും...ഉണ്ണിയുടെ കൈയിലുള്ള റബ്ബർ പാവയെപ്പോലെ..." അവൻ പിങ്കിയെ ഒന്ന് നോക്കിയിട്ട് തിരിഞ്ഞു കിടന്ന് ഉറക്കം പിടിച്ചു.

അവന്‍റെ ഹൃദയത്തോട് ചേർന്ന് ഉറങ്ങിയിരുന്ന പിങ്കിയ്ക്ക്, ശബ്ദമില്ലാത്ത ആ വാക്കുകൾ കേൾക്കാൻ കഴിഞ്ഞു. അവളുടെ കണ്‍പീലികളിൽ നനവ്‌ പടർന്നു...ആ ചെറിയ ഹൃദയം തേങ്ങി "ദൈവമേ എന്നെ എന്തുകൊണ്ടാണ് ഉണ്ണിയുടെ പാവയെപ്പോലെ സുന്ദരിയാക്കാത്തത്, എങ്കിൽ രാഹുലിന് എന്നെ കാണുമ്പോൾ ഒരുപാട് സന്തോഷമായേനെ."

അന്ന് രാഹുൽ സ്കൂളിൽ പോയത് പിങ്കി അറിഞ്ഞില്ല. അദിതി വന്നു അവളെ എടുക്കുമ്പോഴാണ് അവൾ ഉണർന്നത്. "ആകാശ്! ഇതേതാ ഈ പുതിയ പാവ? ഞാൻ വാങ്ങിക്കൊടുത്ത പാവക്കുട്ടിയെ ഇവിടെങ്ങും കാണാനില്ലല്ലോ!" അപ്പോഴാണ്‌ പിങ്കി സ്വയം ശ്രദ്ധിക്കുന്നത്; താനാകെ മാറിയിരിക്കുന്നു...ഒരു കൊച്ചു സുന്ദരി. അത്ഭുതം തോന്നിയെങ്കിലും ആകാശ് അത് പ്രകടിപ്പിച്ചില്ല. "അദിതി, അത് ചിലപ്പോൾ അവൻ കൂട്ടുകാർക്ക് ആർക്കെങ്കിലും കൊടുത്തു കാണും... പകരം അവരുടെ പാവ അവനും...സ്കൂളിൽ നിന്നും വരട്ടെ, നമുക്ക് ചോദിക്കാം.." അദിതി പിങ്കിയെ അവളുടെ കളിവീടിനുള്ളിൽ കിടത്തിയിട്ട് ഓഫീസിലേക്കിറങ്ങി.

സ്കൂളിൽ നിന്നും രാഹുൽ എത്തുമ്പോൾ കുറച്ചു വിരുന്നുകാർ ഉണ്ടായിരുന്നു. അന്ന് അദിതിയുടെയും ആകാശിന്‍റെയും വിവാഹവാർഷികമായിരുന്നു . ആറു വർഷത്തെ അസൂയാവഹമായ ദാമ്പത്യജീവിതത്തിനു സുഹൃത്തുക്കൾ ആശംസകൾ നേർന്നു. എല്ലാവരും പോയിക്കഴിഞ്ഞപ്പോൾ രാത്രിയേറെയായി. പാവയെക്കുറിച്ച് ആരും ഒന്നും ചോദിച്ചില്ല.

രാഹുൽ ഗെയിമിന്‍റെ മുന്നിലെത്തി. രണ്ടു ലെവൽ ജയിച്ച് കഴിഞ്ഞു. ഇപ്പോൾ രാജകുമാരിക്ക് മനോഹരമായ ഒരു ഫ്രോക്ക് ആണ് വേഷം. "പിങ്കിയ്ക്കെന്താ ഇതുപോലുള്ള ഫ്രോക്ക് ഇല്ലാത്തത്!" എന്ന് പറഞ്ഞുകൊണ്ട് രാഹുൽ അന്ന് വേഗം ഉറങ്ങാൻ പോയി. അവന്‍റെ അടുത്തെത്താനും, തന്നിൽ ഉണ്ടായ മാറ്റം അവനെ അറിയിക്കാനും പിങ്കി ആഗ്രഹിച്ചെങ്കിലും... ആ വീട്ടിലെത്തിയിട്ട്‌ ആദ്യമായാണ് അവൾ ഒറ്റയ്ക്ക് ഉറങ്ങുന്നത്. നിലാവെളിച്ചത്തിൽ വെള്ളാരം കല്ലുകൾ പോലുള്ള കണ്ണുകളിൽ കണ്ണുനീർത്തുള്ളികൾ പുറത്തെ മഞ്ഞുതുള്ളികളെക്കാൾ തിളങ്ങി. ആ തണുത്ത രാവിൽ, അവളുടെ മനസ്സറിഞ്ഞ് ദൈവം അവൾക്ക് ചിറകുകളുള്ള ഒരു വെളുത്ത കുപ്പായം നല്കി. "നാളെ ഇതൊക്കെ കാണുമ്പോൾ രാഹുലിന് ഒരുപാട് സന്തോഷമാകും, പഴയ സൗഹൃദം മടങ്ങിവരും" എന്നൊക്കെ ഓർത്ത്‌  അവളും മയങ്ങി.

രാവിലെയോ സ്കൂളിൽ നിന്നെത്തിയിട്ട് വൈകുന്നേരമോ രാഹുൽ പിങ്കിയുടെ അടുത്തെത്തിയില്ല. വീഡിയോ ഗെയിമിലെ രാജകുമാരനായി സ്വയം മാറി അവൻ രാജകുമാരിയെ രക്ഷിക്കാൻ ശ്രമം തുടർന്നു. ഒത്തിരി വൈകി കണ്‍പീലികളിൽ ഉറക്കം ഭാരമായപ്പോൾ അവൻ പുതപ്പിനുള്ളിലേക്ക് നുഴഞ്ഞു കയറി.

ശൈത്യം ആ സീസണിലെ ഏറ്റവും താഴ്ന്ന താപനില രേഖപ്പെടുത്തിയപ്പോൾ ജനാലയ്ക്കപ്പുറം അവസാനത്തെ ജലാംശവും മഞ്ഞായി മാറുകയായിരുന്നു. പിങ്കി തണുത്തു വിറച്ചു. "ഈശ്വരാ... എന്തൊരു തണുപ്പ്! എനിക്ക് ചലിക്കാനാകുമായിരുന്നെങ്കിൽ, ആ നേരിപ്പോടിനരുകിൽ എത്താമായിരുന്നു." മിന്നൽ പോലെ ഒരു പ്രകാശരേണു അവളെ തഴുകി കടന്നുപോയി. "എനിക്കെന്‍റെ കൈകാലുകൾ അനക്കാൻ കഴിയുന്നല്ലോ!!!" ദൈവത്തിനു നന്ദി പറഞ്ഞുകൊണ്ട് അവൾ ആ കളിവീട്ടിൽ നിന്നിറങ്ങി. രാഹുൽ നല്ല ഉറക്കത്തിലാണ്. തന്‍റെ കുഞ്ഞിക്കൈകൾ കൊണ്ട് പിടിച്ചു അടുത്ത് കിടന്ന കസേര വഴി അവൾ രാഹുലിന്‍റെ അടുത്തെത്തി. അവന്‍റെ കവിളിൽ സ്നേഹപൂർവ്വം ഒരുമ്മ നൽകിയിട്ട് പാതിചാരിയ വാതിലിൽക്കൂടി നേരിപ്പോടിനടുത്തെയ്ക്ക് അവൾ നടന്നു.

അവളുടെ ഹൃദയം ഉച്ചത്തിൽ മിടിക്കുന്നുണ്ടായിരുന്നു. ആദ്യമായി ആ വീട്ടിൽ എത്തിയതും രാഹുലിന്‍റെ കൂട്ടുകാരിയായതും ഒരുമിച്ച് കളിച്ചതും പതിയെപ്പതിയെ അവൻ തന്നിൽ നിന്നകന്നതും അവനെ സന്തോഷിപ്പിക്കാനായി തനിക്കുണ്ടായ മാറ്റങ്ങൾ അവൻ അറിയാതെ പോകുന്നതും... അംഗീകരിക്കപ്പെടാതെ പോകുന്ന ഒറ്റപെടലിന്‍റെ ദിവസങ്ങളും, ഒക്കെ ഓർത്ത്‌ നടന്ന അവൾ നേരിപ്പോടിനടുത്തെത്തിയത് അറിഞ്ഞില്ല. അടുത്ത കാലടിയിൽ മുന്നിലുണ്ടായിരുന്ന തടിക്കഷണത്തിൽ തട്ടി മുന്നിലെ കെടാത്ത കനലിലേക്ക് വീണു. ഞെട്ടിത്തിരിഞ്ഞു എഴുന്നേൽക്കാൻ ശ്രമിക്കുമ്പോഴേക്കും കാൽ വഴുതി മലർന്നു വീണു വീണ്ടും. ആ വീഴ്ച്ചയിൽ അവളുടെ പിൻവശം ഉരുകി കനലുകളോടൊട്ടിച്ചേർന്നു. റബ്ബറിന്‍റെ കരിഞ്ഞ ഗന്ധം വ്യാപിക്കുന്നതിനോടൊപ്പം അഗ്നിരേഖകൾ അവളുടെ ശരീരത്തെ പതിയെ കാർന്നുതിന്നാൻ തുടങ്ങി. ഇത്തവണ അവളുടെ പ്രാർത്ഥനകൾ നിസ്സംഗതയിൽ ഒതുങ്ങി.

"ആകാശ് എഴുന്നേറ്റേ, എന്തോ കരിയുന്നതു  പോലെ തോന്നുന്നു" അദിതി ആകാശിനെയും വിളിച്ച് ലൈറ്റ് ഓണ്‍ ചെയ്യുമ്പോഴേക്കും രാഹുലും ഉണർന്നു. കണ്ണുതിരുമ്മി  അവനും അവരോടൊപ്പം അന്വേഷിച്ചന്വേഷിച്ച് നെരിപ്പോടിനടുത്തെത്തി. മുക്കാൽ ഭാഗവും ഉരുകിയെ പാവക്കുട്ടിയെ കണ്ട ഉടനെ രാഹുൽ കൈയിലെടുത്തു. വെള്ളാരം കല്ലുകൾ ഇപ്പോൾ ഒന്നേയുള്ളൂ. മിനുസമായ ശരീരം എരിഞ്ഞു തീരാറാകുന്നു. ഭംഗിയുള്ള ചിറകുകൾ കരിഞ്ഞു തറയിൽ വീണിരിക്കുന്നു.

"കൈ പൊള്ളും അതിനെ താഴെ കളയ്  മോനെ..." അദിതി അവന്‍റെ കൈയിൽ നിന്ന് പാവ വാങ്ങി ജനാലയിൽക്കൂടി ദൂരെ എറിഞ്ഞു. "പിങ്കീ" രാഹുൽ വാവിട്ടു കരയാൻ തുടങ്ങി. ഏങ്ങലടിച്ചു കരയുകയായിരുന്ന രാഹുലിനെ എടുത്ത് ആകാശ് മുറിയിലേക്ക് കൊണ്ടുപോയി. ആശ്വസിപ്പിക്കാൻ എത്ര ശ്രമിച്ചിട്ടും അവൻ അടങ്ങുന്നുണ്ടായിരുന്നില്ല. പുലരാറായപ്പോൾ എപ്പോഴോ കരഞ്ഞു തളർന്നുറങ്ങി.

അടുത്ത പ്രഭാതം ഊഷ്മളമാക്കാനായി ആദിത്യന്‍റെ തേരെത്തി. പഞ്ഞിക്കെട്ടുകൾ പോലുള്ള മഞ്ഞുരുകി എങ്ങും നനവ്‌ പടർന്നു. കടമകളൊക്കെ  പൂർത്തിയാക്കി കഴിഞ്ഞു എന്നപോലെ അത്തവണ മഞ്ഞുകാലം നേരത്തെ വിട പറഞ്ഞു. ഉണർന്ന ഉടൻ രാഹുൽ പുറത്തേയ്ക്ക് ഓടി. ഇന്നലെ അമ്മ വലിച്ചെറിഞ്ഞ അവന്‍റെ പാവക്കുട്ടി പുല്ലുകൾക്കിടയിൽ മരവിച്ചു കിടക്കുന്നുണ്ടായിരുന്നു. അവൻ അതിനെ കൈകളിൽ എടുത്ത് നെഞ്ചോട് ചേര്ത്തു. വെള്ളാരംകല്ല്‌ കൊണ്ടുള്ള കൂമ്പിയ കണ്ണിലേക്ക് നോക്കുമ്പോൾ അവന്‍റെ കണ്ണുകളും നിറഞ്ഞു തുളുമ്പി.

പിന്നീടൊരിക്കലും രാഹുൽ വീഡിയോ ഗെയിം കളിച്ചില്ല. വൈകുന്നേരങ്ങളിൽ അന്ഗ്നിശകലങ്ങൾ ബാക്കിവച്ച തന്‍റെ കൂട്ടുകാരിയുമായി വിശേഷങ്ങൾ പറഞ്ഞ് സമയം ചെലവഴിക്കാൻ തുടങ്ങി. പക്ഷെ മുൻപത്തെ പോലെ പിങ്കി കണ്ണു ചിമ്മാറില്ല... ആ ഹൃദയം തുടിക്കാറുമില്ല ... എങ്കിലും അവളെ മാറോട് ചേർത്തേ രാഹുൽ ഉറങ്ങിയിരുന്നുള്ളൂ.

അടുത്ത വർഷത്തെ മഞ്ഞുകാലത്തോടൊപ്പം ആ വീട്ടിൽ ഒരതിഥിയെത്തി. വെള്ളിക്കണ്ണുകളും തുടുത്ത കവിളുകളും ഉള്ള വെളുത്തു മിനുസമായ മാലാഖയെപ്പോലൊരു കുഞ്ഞുവാവ. വീഡിയോ ഗെയിമിലെ രാജകുമാരിയെക്കാൾ സുന്ദരിയായ, പിങ്കിയെപ്പോലെ നിഷ്കളങ്കമായി കണ്ണുചിമ്മി രാഹുലിനെ നോക്കി പല്ലില്ലാത്ത മോണ കാട്ടി ചിരിക്കുന്ന ഒരു കുഞ്ഞനിയത്തി.

ആ വിശേഷം അറിയിക്കാൻ രാഹുൽ പിങ്കിയുടെ അടുത്തെത്തി. അവളെ അവിടെങ്ങും കാണാനില്ല. അവളുറങ്ങുമായിരുന്ന  കളിവീട് ശൂന്യം. പിങ്കിയുടെ സ്ഥാനത്ത് തിളങ്ങുന്ന ഒരു വെള്ളാരം കല്ല്‌.

വിഷാദം നിറഞ്ഞ മനസ്സുമായി അവൻ അനിയത്തിയുടെ അടുത്തെത്തി. അമ്മയോട് പറ്റിച്ചേർന്നുറങ്ങുന്ന അവളുടെ കവിളിൽ ഒരുമ്മ നല്കി മുഖമുയർത്തുമ്പോൾ, ആ ഹൃദയതാളത്തിന് ചിരപരിചിതമായ ഒരീണം ആ കുഞ്ഞുമനസ്സ് തിരിച്ചറിഞ്ഞു...എന്നും നെഞ്ചോട്‌ ചേർത്ത് സ്നേഹിക്കപ്പെടാൻ അകലങ്ങളിൽ നിന്ന് അവൾ തിരികെ വന്നപോലെ...